هو مين حاسس بمين..للشاعر أحمد عبد الحق

هو مين حاسس بمين
ان كان الم مزروع ندم
او كان امل منزوع حنين
مين حاسس ان الشمس
كل يوم هناك تغيب
ومين يحس اهه قلب
في انتظاررجعه حبيب
ومين يحس دموع بتزل
وقبل ماتنزل بتحرج
من القريب قبل الغريب
هي دنيا مليانه حزن
مليانه هم
اصل اتعودنا يجنعنا غم
نسي يوم ازاي نكون
نفرح بجد
حتي الشعور اللي ملينا
خساره انه اخرتها سد
ولما نحاول نثبت مشاعر
تتحول مشاعرنا لعند
حد فاهم فيكوا حاجه
حديقولي يعني ايه
مشاعر ديما بايته بتلاجه
ولما تيجي تحس بيها
يقولك ياناصح
يافالح ليه قبل ماتشرب
مرجتش الزجاجه
فيه ايه لو حد حس
فيه ايه لو نشتهي
ماهي برضو نفس
فيه ايه لو نبتدي
يسرقنا حلم
زي مافي الدنيا حرب
برضو اكيد فيه سلم
وزي مافي قلوب بتجرح
برضو فيها قلوب جريحه
فيه نفوس ديما جبانه
فيها برضو نفوس صريحه
وزي مافيها فرح
فيها الف ومليون جنازه
بس شطارتك ياقلبي
قبل ماتحلم
حاول ترج القزازه
وعشان نحس عناقيدالعنب
لازم ندوق المزازه
وعشان تحس الحياه
عيش الحياه
وارضي بالمقسوم من الاله
وحاول مره من الهموم
تاخد توقف
او تاخدلك يومين اجازه
احمد عبد الحق